الأحد، يوليو 12، 2009

سالونات.....صدقونى هى فى النهاية...سالونات....معا‘ كى تصبح...صالونات....

ازيكم عامين اية....وحشتونى قوى ...اكيد كنتوا مبطلين قراءة عشان انا مش باكتب جديد....:)....(حبة تواضع)...مش حاطول عليكم و ندخل فى صلب الموضوع....عشان دة اية..موضوع كدة بالبلدى...(سقع)...الموضوع ياسادة و باختصار شديد عن( الصالونات)...جواز الصالونات يعنى...فى لحظة تجلى قعدت فيها مع نفسى....قلت يابت يا سلووم...اية اللى وصل الناس للجواز بالطريقة دى...لقيت ان الموضوع مااختلفش كتير عن زمان....الاختلاف بس فى طريقة العرض...تصدقو بقى ان تلك المرأة التى كانت تدعى(خاطبة)....كانت ارحم...اة طبعا اكيد كانت بيجيلها وقت و تفشر...(نوع من انواع تزيين البضاعة....بالضبط بالضبط زى واسطة الايام دي)....بس كانت ارحم والله تجيب الصور فى البيوت و تنقى الصورة اللى تعجبك...:)....طبعا انا مش مع الحركة دى خالص يا جماعة....بس ماحدش عارف الايام دى حتعمل فينا اية تانى...اى واللة..اعذرونى يا جماعة بس انا كل شوية واحدة تحكيلى تجربة مرت بيها اقول لها فعلا الناس مبقاش عندها دم.....كل واحدة فاكرة انه خلفت بغغغل..قصدى راجل:$:$....تفرح لى بية و تكلم اللى يسوى و اللى مايسواش يدورر له على عروسة كدة تكون من مقامة.....طبعا اللى تسوى بتكون ست محترمة...بتعرف توفق فعلا...اما اللى ماتسواش...(و دول ما اكترهم)....الله اعلم بأة بتبأة فاهمة ان الجوازة خربانة ولا لا؟؟؟اموت و اعرف.....اسالونى انا..طب دة انا مرة واحدة جابت لى عريس بيشتغل فى الكويت..س:بيشتغل اية يا طنط؟؟؟...ج:فى شركة مقاولات....كام مممممممممم كدة فى النص....س تانى:خريج اية يا طنط؟؟؟..ج:اداب مكتبات....برقة شديدة و منتهى حسن النية...اية العلاقة ياامى؟؟؟؟...بمنتهى (المش حسن نية) يااختى هو فية حد بيشتغل بمؤهلة دلوقتى...ماتبصى لنفسك؟؟؟؟!!!!!!......شى الهى خلانى الملم شتات نفسى و اقولها...اولا انا بنت و هو ولد...ثانيا بأة و دة الاهم...انا باسال عشان اعرف دة لما يرجع مصر حيشتغل اية؟؟؟؟؟؟....بمنتهى السلاسة المتناهية تقولى...يااختى و لو مااشتغلش...ابوة يفتح لة سوبر ماركت كبير و يقعد فية ملك زمانة(من فلوس الدروس الخصوصية)...طبعا اللة يكرمة الحاج احمد مكى....الشهير بدبور ...كان مطلع شتيمة جامدة كدة...مستخبية فى تلات حروف..كنت اود ان انطق بها...بس قلت دى صاحبة امى عيييب يابت...و قمت و سبتها...بس كان نفسى اسالها..ترضى بية لبتك بتاعة فنون تطبيقية...مش من منطلق كليات و كلام من دة...لا من منطلق انك بعد ما علمتى بنتك دة كلة...تقعديها فى السوبر ماركت تبيع جمب بغلها....يوووة اقصد بعلها؟؟؟؟؟...دة نوع..التانى بأة يوديكى على معلومات تنم عن الجهل و الغباء...منتهى الغباء كمان..لانها لو فاكرة ان الحقيقة المرة تغلفها كدة لغاية ما تتم المقابلة...تبقى شطارة..بالعكس دى بتكون مشكلة كبيرة تنعكس عالطرف اللى جايباة و تودى الى احراجة الشدييييييييييييييييييييييييييييييد كمان...زى انا مرة واحدة جابت لى واحد فى بنك و قالتلى و مش محتاجة أوالة...انة خريج تجارة...بمنتهى حسن النية اللى انا باشتهر بية طبعا...باقولة كنت كلية اية؟؟؟؟؟؟رد عليا قائلا(و انا ملاحظة لون وشة بدا يتغير)...لا هو انا خريج ..........(احدى الحاجات الخاصة الجديدة) تعرفيها؟؟.....رديت اه طبعا عارفاها...قالى كويس بتسمعى عنها اية؟؟...رديت عادى انا اصلا ليا صحاب منها و بعدين هى مش بالكلية....قالى حلو قوى امال باية تفتكرى؟؟؟....تانى بمنتهى حسن النية بس المرة دى الناتج عن تاثير الصدمة رديت و قلت.......مش عارفة....اة واللة...مش قادرة اقولكم أد اية كان صعبان عليا....انتوا مش متخياين يا جماعة الوضع بأة ازاى...انا عندى بلاوى متلتلة ...تجارب صحابى و أرايبى...و اكيد انتوا كمان عندكم..ومش حنخلص كلام فيها....وانامش مع او ضد ال(سالونات)....لان ماشاء اللة فى ناس مرت بيها و عايشة حياة كريمة...انا ضد اللى بيتوسطوا بغباء...و هما مش فاهمين...او فاهمين و بيستعبطوا بأة.....الله اعلم بالنوايا...نفسى متجيش واحدة تعيطلى من ام متسلطة هى اللى أعدت تتكلم و تسال مش ابنهها...متجيش واحدة تشتكيلى من واحد قالها (بتعرفى ترقصى ولا لا...دى اهم حاجة)و غيرهم كتير..الموضوع له جوانب كتيير...جدا ياجماعة..ممكن نناقشها فى لينكات تانية..اللى انا عايزة اطلع بية من(سالونات)..أقصد(صالونات)....اننا نراعى ربنا..نراعى ضميرنا و احنا بنوفق راسين فى الحلال....عشان الراسين دول و الرووس اللى حواليهم..بيحسوا..بيتالموا...بيتوجعوا...من (سالوناتكم)....و العاقبة عندكم فالمسرات.............................................................ياررب:)

الاثنين، مايو 19، 2008

ضاع الحب ضاااااااع...ضاعت الهوية خلاص....

اهلا بيكم من جديد..المرة دى يا جماعة...مش اتهزيت...انا اتزلزلت..(انكسر جوايا شئ)زى ما بيقول على الحجار..و دة كله عشان...14...كتير من صحابى عارفين اية خكاية 14 دة معايا...لدرجة انهم كانوا بيتلريقوا عليا و يقولولى...حنزفك بيه..الموضوع ان بعد حكاية البنزين الاخيرة...كل المواصلات زادت..ماعدا..14..الوحيد اللى رخص...نسبيا يعنى..رخص..بس الرخص دة...افقده هويته...تمامااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا....الله يمسيه بالخير..د/عبدالرحمن..كان دايما يقول الهويه..الهوية..و يزعقلنا على طريقة نطقها..دلوقتى بس ...فهمت الراجل دة..وقلت فى عقلى..كان عنده حق والله...انا منحورة عشان ضياع هوية..14...امال هوية البنى ادم..حازعل عليها ازاى؟؟؟!!!!نرجع لمرجوعنا تانى...14..زمان..قبل اقل من شهر..كان C.T.A...صغنن..اول مبتدى خالص..كان ب 150 قرش..كنت تركب حاجة مكيفة عسولة كدة صغيرة..يفتحوا الكاسيت..اللى كان فيهم سواق..روش..دايما كان يفتح نجوم ف م..والتانى مزاجه كان عالى حبتين..يفتح اذاعة الاغانى القديمة..بعديها بفترة...باظت الكاسيتات..ماعدا كاسيت عربية (ر)..و ديه كانت اكتر عربية منمقة كدة و جميلة..اول ما تتطلع..تحس انك عايز تناااام...هيييييييه..دنيا..و بعد كدة بقت ب 160 قرش..الناس زعقت و احتجت و صرخت...يا 150..يا 200 على طول..بس دى الناس اللى مش متعودة عليه..اللى بيركبوه مضطرين و خلاص..انما سكان 14..كان عادى بالنسبه لهم..كان عادى كمان يطلعوا و يدفعوا مثلا 175..و ميسالوش عن الباقى..كان دايما اللى يسال عالباقى..اعرف انه دخيل...مهما اقعد احكيلكم...مش حتفهموا..14 دة بالنسبه لى..مجتمع..العلاقات فيه..بالعين..مبنيه على نظرة العين..مثلا فيه بنت بتطلع بعديا..بتلبس عبايات و بتنزل عند كلية البنات..معرفش اسمها اية...والعكس صحيح..بس احنا اصحاب...اة والله...تطلع تبص لى و تضحك..و انا كمان...لما اغيب..تبصلى كدة بصة..غبتى لية؟؟تعبانة؟؟لو لقتنى تعبانة..بافهم انها بتقولى سلامتك..وانا برضة..زيها..و غيرها كتيرررررررررررررر....
نهايته..انا مش مزعلنى العلاقات..لانها كدة كدة موجودة..ملهاش دعوة بحاجة...انا اللى مزعلنى ان 14 بقى زيه زى6..306..الحاجات الخضرا دى..كنت دايما استنى 14 ادام الكلية..اعرف انه جاى من عللى بعد امتااااااااااااااااااااااااااااااااااااااااااااااااااااااااااااااااااااااااار....و صحابى يضحكوا عليا و يقولولى ازاي..مش بس عشان هو له قبة كدة...بتاعة التكييف..لا..كان بنا (كيميا)زى ما بيقولوا..دلوقتى بقى عادى..مش بحسه خالص..لما اركبه...بحس كدة انى ركباه غصب عنى...خلااااااااااااااااااااااااااااااااااااااااااااااااااااااااااااااااااااص...مبقتش قادرة احسه...بعد ما فقد .....هويته....:(((

الجمعة، مارس 21، 2008

التذكرة الزرقا....

اة..مش قلتلكم مش باكتب الا لما اتهز..واللى هزنى المرةدى..التذكرة الزرقا..التذكرة الزرقا يا جماعة..بقى لونها ابيض..اكيد انا باحب اللون الملائكى دة..و لون ناديا المفضل..الزمالك..بس..انا مش حباها...خالص ...بابص لها باقولها لية غيروكى..و خلوكى كدة..اختك اللى قبلك كانت احلى..ماتزعليش منى..بس اختك دى كانت عشرة 4 سنين..و داخلة على الخامسة..كنت باقابلها شبه يوميا..و اقل عدد منها كنت باحصل عليه يوميا..2 فمافوق..يمكن يمكن لو قعدتى معايا نفس فترتها..هاحبك زيها..بس لا(و ما الحب الا للحبيب الاولى)..هى اول و اخر حب فى حياتى..يابنتى دة انا جت عليا فترة كنت باحوشها و يطلع المفتش ادى له بالذوفه..يقول لى هى دى هاتى الباقى ارميه...اصرخ فى وشه...لا هاتهم تانى..انا باحوشهمو ارتبهم تحت بعض حسب اخر رقم..ولو اخر واحد متشابهة..ابص لاول رقم....و كنت ازعل قوى لو السواق قطعها غلط..ياااااااااااه..ليه بوظتها...و كان امنية حياتى..انى يبقى عندى (المانيفستو)...كانت امنية حياتى الحصول عليه..بس منفعش...بافرح قوى لمل اطلع اركب و الاقى السواق لسة مخلصش اخر مانيفستو ازرق معاه..و بازعل قوى لمل الاقيه قطع لى البيضا..بهتانه كدة..عاملة زى ورق اللحمه..ورقة ناشفة..لااااااااااااااااااااااااااا...انا باقولك اهه...قصاد الناس كلها....مش عارفة احبك و مش حاقدر احبك..و مش هاحبك...مش باكرهك..بس مش هاحبك...انا يابنتى افهمينى...مش ضد التغيير و التحديث..والنيو لوك..انا باكلم عالعشرة..اللى ماحدش بيراعيها...على العلاقة اللى بتبقى بين الاشياء....حتى لو كانت اختك..من ورقك ودمك..التذكرة الزرقا...ارجعلى يا زرقا..ارجعى انا مستنياكى...ليه مقلتليش انك ناوية تمشى...ليه ممهدتيليش؟؟؟هو انا زعلتك فى حاجة..انا حافضل عايشة على ذكراكى..على امل انى اطلع الاقى السواق بيقولى مبروك..رجعتلك ..التذكرة الزرقا....

اتحداك و اتحداكى..لو كنتوا عارفين معناها...

ازيكم..عاملين اية؟؟انا كنت فاكرة انى لما اعمل البلوج دة حاقعد بقى اية...اكتب كل يوم..بس اكتشفت..انى مش حاكتب الا ماحاجة تهزنى..و مش اى هزة..و انا النهاردة بقى اتهزيت..مش عشان حاجة..عشان اكتشفت انى بعد العمر دة كلة..مش فاهمة حاجة..ودى مش اى حاجة..دى كلمة مهمة..مينفعش نستغنى عنها.. طلع ينفع ولا اية ياجدعان..انا بقى قلت اسالكم..و ياريت الاقى الاجابة عندكم.. دى..فاهمين معناها...قولوا لى كدة بالصلاة عالنبى..يعنى اية اصحاب؟؟يعنى اي صاحبة..؟؟كان بيتهيالى ان الناس عارفة معناها...بدليل انهم بيقولوا..دى صاحبتى و دى زميلتى..و دة صاحبى وزميلى..بيفرقوا يعنى عارفين..بس اتضح انهم اصلا مش فاهمين..وانا اولهم..يعنى اية ياجماعة..ولية بنلاقى نفسنا بنستملر احيانا مع بتوع المدرسة عن بتوع الكلية..؟؟؟هل عشان ايام المدرسة دى ايام براءة؟؟امخاخ و نفوس و ضماير ماكانتش لحقت تتلوث؟؟ولا كانت ملوثة يس على صغير؟؟اصل محدش يقنعنى اننا بنتولد شياطين...صح ولا اية؟؟انا مش ملاك...بس حصلى موقف..خلانى اسال..ايه يفرق بتوع المدرسة عن الكلية؟؟لية بتوع الكلية تحكمهم ثقافة (النفاق الاجتماعى)..او لا اسفة..(الذكاء الاجتماعى)زى ما واحدة من صحابى قالت لى..ان هو دة الاسم الصح و الاشيك...واللى كله عارفه...ههههههههههه...انا عايزاكم تجاوبونى...انا وصلت لاجابة واحدة..اعتقد والله تعالى اعلى و اعلم انها الاصح على الاطلاق..الا وهى..اننا مش بنحب بعض فى الله..اى والله..كفاية كدة..بس عايزة اقول حاجة..مش كل بتوع الكلية..فى ناس عرفتها ما كنتش احلم انى اعرفهم فى يوم من الايام..بس اللى خلانى اكتب دة..ان صحابنا اللى فوق..اكتر..هههههههههههههه..شفتوا الوكسة..ياللا خير خير انشالله..

الأربعاء، مارس 19، 2008

بدايه

البلوج دة انا قررت اعمله..بعد ما شفت بلوجات يرفع لها القبعة..و بلوجات تانية...... و احكى فيه كل حاجة بتحصلى...و محتاجة تعقيب عليها..من ناس يهمنى رايهم ...او مش مهم تعقيب..هو الفكرة انى افضفض..باللى جوايا و يطلع برايا..بكل اللغات اللى عارفاها..عربى ...انجليزى..يابانى..فرنساوى كمان..استنونى بقى..و حكاياتى الجميلة:)