الأحد، يوليو ١٢، ٢٠٠٩

سالونات.....صدقونى هى فى النهاية...سالونات....معا‘ كى تصبح...صالونات....

ازيكم عامين اية....وحشتونى قوى ...اكيد كنتوا مبطلين قراءة عشان انا مش باكتب جديد....:)....(حبة تواضع)...مش حاطول عليكم و ندخل فى صلب الموضوع....عشان دة اية..موضوع كدة بالبلدى...(سقع)...الموضوع ياسادة و باختصار شديد عن( الصالونات)...جواز الصالونات يعنى...فى لحظة تجلى قعدت فيها مع نفسى....قلت يابت يا سلووم...اية اللى وصل الناس للجواز بالطريقة دى...لقيت ان الموضوع مااختلفش كتير عن زمان....الاختلاف بس فى طريقة العرض...تصدقو بقى ان تلك المرأة التى كانت تدعى(خاطبة)....كانت ارحم...اة طبعا اكيد كانت بيجيلها وقت و تفشر...(نوع من انواع تزيين البضاعة....بالضبط بالضبط زى واسطة الايام دي)....بس كانت ارحم والله تجيب الصور فى البيوت و تنقى الصورة اللى تعجبك...:)....طبعا انا مش مع الحركة دى خالص يا جماعة....بس ماحدش عارف الايام دى حتعمل فينا اية تانى...اى واللة..اعذرونى يا جماعة بس انا كل شوية واحدة تحكيلى تجربة مرت بيها اقول لها فعلا الناس مبقاش عندها دم.....كل واحدة فاكرة انه خلفت بغغغل..قصدى راجل:$:$....تفرح لى بية و تكلم اللى يسوى و اللى مايسواش يدورر له على عروسة كدة تكون من مقامة.....طبعا اللى تسوى بتكون ست محترمة...بتعرف توفق فعلا...اما اللى ماتسواش...(و دول ما اكترهم)....الله اعلم بأة بتبأة فاهمة ان الجوازة خربانة ولا لا؟؟؟اموت و اعرف.....اسالونى انا..طب دة انا مرة واحدة جابت لى عريس بيشتغل فى الكويت..س:بيشتغل اية يا طنط؟؟؟...ج:فى شركة مقاولات....كام مممممممممم كدة فى النص....س تانى:خريج اية يا طنط؟؟؟..ج:اداب مكتبات....برقة شديدة و منتهى حسن النية...اية العلاقة ياامى؟؟؟؟...بمنتهى (المش حسن نية) يااختى هو فية حد بيشتغل بمؤهلة دلوقتى...ماتبصى لنفسك؟؟؟؟!!!!!!......شى الهى خلانى الملم شتات نفسى و اقولها...اولا انا بنت و هو ولد...ثانيا بأة و دة الاهم...انا باسال عشان اعرف دة لما يرجع مصر حيشتغل اية؟؟؟؟؟؟....بمنتهى السلاسة المتناهية تقولى...يااختى و لو مااشتغلش...ابوة يفتح لة سوبر ماركت كبير و يقعد فية ملك زمانة(من فلوس الدروس الخصوصية)...طبعا اللة يكرمة الحاج احمد مكى....الشهير بدبور ...كان مطلع شتيمة جامدة كدة...مستخبية فى تلات حروف..كنت اود ان انطق بها...بس قلت دى صاحبة امى عيييب يابت...و قمت و سبتها...بس كان نفسى اسالها..ترضى بية لبتك بتاعة فنون تطبيقية...مش من منطلق كليات و كلام من دة...لا من منطلق انك بعد ما علمتى بنتك دة كلة...تقعديها فى السوبر ماركت تبيع جمب بغلها....يوووة اقصد بعلها؟؟؟؟؟...دة نوع..التانى بأة يوديكى على معلومات تنم عن الجهل و الغباء...منتهى الغباء كمان..لانها لو فاكرة ان الحقيقة المرة تغلفها كدة لغاية ما تتم المقابلة...تبقى شطارة..بالعكس دى بتكون مشكلة كبيرة تنعكس عالطرف اللى جايباة و تودى الى احراجة الشدييييييييييييييييييييييييييييييد كمان...زى انا مرة واحدة جابت لى واحد فى بنك و قالتلى و مش محتاجة أوالة...انة خريج تجارة...بمنتهى حسن النية اللى انا باشتهر بية طبعا...باقولة كنت كلية اية؟؟؟؟؟؟رد عليا قائلا(و انا ملاحظة لون وشة بدا يتغير)...لا هو انا خريج ..........(احدى الحاجات الخاصة الجديدة) تعرفيها؟؟.....رديت اه طبعا عارفاها...قالى كويس بتسمعى عنها اية؟؟...رديت عادى انا اصلا ليا صحاب منها و بعدين هى مش بالكلية....قالى حلو قوى امال باية تفتكرى؟؟؟....تانى بمنتهى حسن النية بس المرة دى الناتج عن تاثير الصدمة رديت و قلت.......مش عارفة....اة واللة...مش قادرة اقولكم أد اية كان صعبان عليا....انتوا مش متخياين يا جماعة الوضع بأة ازاى...انا عندى بلاوى متلتلة ...تجارب صحابى و أرايبى...و اكيد انتوا كمان عندكم..ومش حنخلص كلام فيها....وانامش مع او ضد ال(سالونات)....لان ماشاء اللة فى ناس مرت بيها و عايشة حياة كريمة...انا ضد اللى بيتوسطوا بغباء...و هما مش فاهمين...او فاهمين و بيستعبطوا بأة.....الله اعلم بالنوايا...نفسى متجيش واحدة تعيطلى من ام متسلطة هى اللى أعدت تتكلم و تسال مش ابنهها...متجيش واحدة تشتكيلى من واحد قالها (بتعرفى ترقصى ولا لا...دى اهم حاجة)و غيرهم كتير..الموضوع له جوانب كتيير...جدا ياجماعة..ممكن نناقشها فى لينكات تانية..اللى انا عايزة اطلع بية من(سالونات)..أقصد(صالونات)....اننا نراعى ربنا..نراعى ضميرنا و احنا بنوفق راسين فى الحلال....عشان الراسين دول و الرووس اللى حواليهم..بيحسوا..بيتالموا...بيتوجعوا...من (سالوناتكم)....و العاقبة عندكم فالمسرات.............................................................ياررب:)

هناك ٥ تعليقات:

همسات دافئه يقول...

عندك حق في ناس بتتوسط بغباء فعلا
بس برضة في ناس بتتطلب منهم المواصفات المتخلفة الى انتي قولتيها فى الآخر لون شعرها ولون بشرتها وبقيت حاسة ان خلاص معدش فيه حد عايز واحدة متدينة ومحترمة
:S
فرحانة اني قرتلك
كملي ومتغبيش
ربنا معاكي ياحبيبتي

شيماء:)

Lozitta يقول...

والله يا سالامونتى مش عارفة أقولك إيه .... فعلاً عندك حق .... و تقريباً كلنا إتعرضنا لمواقف مشابهه للى إنتى بتحكيها دى ... بس أنا بقى هأقوللك .... العاقبة عندكم فى (السالونات)

Die يقول...

و النبي لو ينفع تشرفوا الواحد ف المدونة و تنشروها يعني و تقولو رايكم ايه يبقي متشكرين منكم قوي http://balckrain.blogspot.com/

عايزه أشتغل يقول...

موضوع جميل وهادف واسلوبك حلو اوى ربنا يوفقك

oRiGiNaL HeArT يقول...

انا مش موافئاكى فى حبت حاجات
خلينا نبدا من الاول
لو قلنا نا جواز الصالونات وحش
طب يعنى ايه اصلا جواز صالونات
وايه الطريقة الاحسن
لنل اعرف ان جواز الصالونات هو اللى الولد والبنت بيتعرفو فيه على بعض من خلال الاهل والمعارف واللقاء الاول بيبقى فى بيت البن البنت و دة فى حد ذاته مفيهوش اى حاجة عيب او حشة بالعكس دة من وجهة نظرى احسن كتير من لما الولد ةالبنت يتعرفو ويعدو يدرسو فى بغض يجى سنة وفى الاخر يقررو يا اما يرتبطو او لاء
و مش معنى كدة انى ضد اى نوع تانى نم انواع الزيجات
يعنى لو مش صالونات يبقى احسن لو الود شاف بنت اعجب بيها وباخلاقها وراح اتفدملها علطول من غير لا وسايط ولا صالونات
تانى حاجة
العريس بتاع الكويت:
مش معترضة على انك رفضتيه و طريقة الرفض و كدة بس مش موافقاكى على سبب الرفض
انا معاكى ان الوضع الاجتماعى مهم وانك ممكن متستحمليش يبقى حوزك واقف فى سوبر ماركت
بس دايما قبل اى حاجة لو فكرتى فى الدين هيبقى تفكير اكثر منطقية
يعنى ممكن الانسان دة يكون عيتقى ربنا فيكى ويحافظ عليكى اكتر من واحد شغله ثابت و وضعه الاجتامعى زى الفل بس اخلاقه زفت
و متقوليش منا هدور على واحد شغله ثابت ومفيهوش اى عيب تانى مفيش حد على الفرازة حتى المتدين اكيد ليه عيوبو
بس قصدى امه الافضل يكون اساس الرفض او القبول الدين عشان ربنا يبراكلك ويسعدك
اااه
تعبت من الكلام
هروح وارجع :)
و يارب نفرح بيكى بقا عشان نخلص :)))